1997 + 50 - 2014 = 33

我同同事講，中共其實心底好想好想香港差，亂，窮，而絕對唔係比香港好過。

理由？
我嘅理論係， 五十年過後，如果唔差又點取消一國兩制？

唔通等到五十年時經濟文化系統一一都好過大陸幾條街，然後同你講夠鐘玩完行返廢國差到爆嘅一套？到時係會接受咩？

定係你可以好天真好傻咁三十年咁成個廢國就追得上香港？

或者夢想可三年又三年咁一可以相對獨立自主落去？

點解有一國兩制？
文獻指出，中國當年想用武力提早佔領香港，係英國無辦法，無奈接受1997五十年不變。英國人用自己嘅尊嚴同名譽用去保護最後一代本地香港人五十年，之後就要睇香港人自己做化，可謂仁至義盡。

1997 + 50 - 2014 = 33

三十三年後，今日縮骨遮革命當中的學生約 50 歲。今年出生的才三十出頭。

你地依一代香港人到時又幾多歲，點生活呢？死左？老人院？係外國？你會為香港做啲咩？為下一代做啲咩？

你想唔想今日嘅年輕人到時五十歲先至急急忙移民？
定係三十出頭嘅個個走得就走？

我可以肯定 2047 一定唔單只政治，到時經濟，社會等等都會動盪過 1997 前後。

你自己唔唸自己 fine，但唔好阻住人。