慢手慢腳的我和 PPHK

依? PPHK? 上次 PPHK５ 唔係已經完左好耐咩??

係，你無睇錯。我今次係寫 PPHK５，唔係６唔係Lite。

只係因為我近年寫少左野．．．．好慢

上次寫過 PPHK4 之失敗 ，之後 PPHK 一直都咩攪作。上次聽佢地講過，我估都係因為大家都忙到 SQJ 而又未定到方向而無大動作。

係我差唔多已經忙記（係忙，我無寫錯）嘅情況下，突然有一日係 twitter 見到 PPHK5 報名消息！係第二日忙到唔記得第一時間報名嘅情況下過左差唔多成鐘都居然都報到名實在係奇蹟。都無點理到佢今次係咩主題，只知地點改左做 JCACC。

從今次嘅地點，promotion，同時間，而且貼心咁介紹點去JCACC (雖然到最後我無時間睇．．）；我必須要大贊 PPHK 幾位義工 community 上次聽完我地一堆廢話之後真係肯認真接受大家嘅意見同確實向住依個目標前進。

當日，我係遲到嘅。記得一入場已經有 speaker 講緊馬拉松，可以跑到一半就地解決生理需要。因為遲到坐得比較後，但係聽得都ＯＫ；反而無上次嘈到投入唔到咩都聽唔到嘅情況出現。

而且贊助商正正式式咁揾到同 Internet 有關贊助商，雖然我唔會用騰訊微博，又唔會用友緣人。但唔係海港城贊助實在太好啦。

點解我無咁講？

第一位講者, 莊曉陽: 香港馬拉松的特色係咩都睇唔到，比全世界都要早起身要幸苦；因為地產霸權令香港街道唔可以被阻，所以會跑入隧道，跑上天橋；跑完都唔知跑過咩地方。

第二位講者, Eva：喜愛做手作，推動手作文化及發展手作人社群；但係香港無容身創業嘅地方，地產霸權令租金太貴；手作成本（時間）高利錢低。

NGO講者, 非牟利機構「仁人家園」：「人人都應該有個體面、安全及可負擔的居所」係宗旨，但佢地只能發走到好遠嘅地方同因貧窮或因天災的人建立家園-真係落手起屋；.........香港呢？？

第三位講者, Phoebe：推動阿根廷探戈，阿根廷探戈 (Tango) 的文化在擁抱，任意的舞步由係緊密的接觸之中互相理解配合

第四位講者, Adaline：素食可以保護地球。（其實我覺得佢講英文會好Ｄ，聽佢講中文好攰）

最後一位講者, ＜a href="http://yatming.wordpress.com/">龐一嗚：反霸權行動者，唔多講，心照。

每一位講者，或者或少在言談之間，或多或少都發出很沉重的念：「地產霸權」其實迫得我們很慘，要走很多不必要的路。甚至龐一嗚完全是此為中心，而台下反應都係最熱烈，最多掌聲，最多支持，最大回響。

試問咁嘅 topic，咁嘅內容又點可能會得到大地產既得利益者的贊助？



完左之後？我輕輕的走了，正如我輕輕的來。無識到其他 blogger 或者新朋友....
或者我得閒要整定Ｄ咭片？？