gathering

原本唸住約至舊同事/朋友出來見面聚個舊，去 BBQ 或者 hot pot 之類。但點之個個都話唔得閒，咁我改期再約過啦。原本都有好幾個人話去，但早幾日揾人 confirm 又話唔去。結果昨日得我地三個條仔出現。

首先 Aman 話要去買野，那是一間賣 wargame 之類產品的店，佢用成千幾銀買左支手電筒送比女友，防身用的。我就買唔起啦，也沒有可以送的對像。之後西門 join 左我地，佢最近都有玩 wargame 都想買野。但睇真Ｄ銀碼係原來要型真係要落足本先至得。之後 skip 左唔買 display card，再去睇電話同 BT 耳機，唔講唔知原來 iPhone BT 係好廢，無得 send file又無立體聲。

既然 hotpot 唔成，Aman 話不如去 AppleGreen 食美國野，但去到發現 full 曬，要等兩個鐘(佢重以為會無人)；最後落左樓下食一壽司，好在未到 rush hour 唔洗等好耐。好少食魚生，因為好耐以前試過難食嘅魚生真係會好難食，第一次食一壽司，味道都幾好，連我好少食壽司都想再去。不過變化少，大部份來來去去都只係三文魚同三文魚 (無鮪魚?)。埋單每人 130。

加油啦西門，我都要加把勁。

走嘅時候差唔多係半價時段開始，門口有條幾十人嘅人龍。

雖然唔算係我 host，不過終於總算成功發起一次活動而無 cancel。