年三十之 part 2:年宵市場

原定係十時前出門的，但係點知屋企人整到９點半先才開枱食飯，比平日更晚！打亂了我的計畫，唯有快手快腳食完佢，之後沐浴更衣出發。

好在天氣無之前估計嘅咁涷。但出現另一樣失算的事情，巴士完全迫滿人，差一點就連站的地方也沒有！平日上班也是同一路線，可是就算是 rush hour 也能找到空位坐下來的(不知怎得很多人不上上層)；在轉車站等了一回，之後上了另一部更迫的巴士。

入到去都差唔多十二點啦，有Ｄ唔識路，好彩跟其他人行無錯。先找到朋友的店打個招呼，再慢慢行。好多年都無行過年宵，好迫好多人。還好不算是太過嚴重，否則我一定會走得好快，咩都無睇清楚。好在人流還可以接受，可以一間一間慢慢睇。

行下行下，發現有好多學生/學校開的店，有的賣玩具／無聊野，有Ｄ賣小食，居然有一間係賣花嘅 tim。不過今年Ｄ花就真係麻麻地，聽到個個都話差唔想買。行下行下，無聊下，買少少小吃，再行下，休息下。替朋友那買了兩個公仔－送給姪女，也有樣學樣的買了一點花，反正很平。然後拾到一小支桃花。

悶了，去跟朋友再打個招呼之後回家。離開時三時，轉了五次 MTR（這才最累人），下車時回到家都已經四時半有多。

不得不提的是回程看到的一件事........攜帶金屬氫氣球入站、上車的一家人。我有想過落車時如果順路見到有任何一個 MTR staff 我會告訴他這件事，然後在下一站捉住佢地。但可惜，一路上只有比我跑得更快的人，卻沒看到半個職員。