又去左行山 - 大老山到大埔道

好耐無寫 blog，交返Ｄ功課先

上年年底又去左行山，一行人坐車上大老山。

都唔知話佢係大霧好？定係雲層低好？

部車上到一半，已經係單程路而且路面好窄，我由玻璃窗向下望－－幾米就已經一片白色咩都無，完全唔知自己上到幾高。

由大老山出發，在一片迷霧中前進。一路試用部相機影咗好多相，唔，影得都應該 OK 呱？

雖然好多時候都係白色一片，影唔到咩好嘅景色，不過識到幾個新朋友，影得到幾位靚人。

雖然見唔到維港，但係收穫遠比想像中嘅多，而且令人喜出望外。

今次條路程比較長，而且人行人行得比想像中嘅慢。所以就算早左出發，行到去獅子山嘅時候就發現時間唔多夠，要加速。
不過條路真係要又上又落咁，行完真係會腳軟。

經過大約四個幾鐘，終於到達目的地大埔道，之後再坐車返落去食野。

今次Ｄ野食都總算唔錯，上幾次Ｄ活動嘅食物就真係麻麻地。